जय देव जय देव श्रीशाशिनाथा l
आरती ओंवाळू पदिं ठेवुनि माथा ll धृ.ll

उदयीं तुझ्या हृदयीं शीतळता उपजे l
हेलावुनि क्षीराब्धी आनंदे  गर्जे l
विकसित कुमुदिनी देखुनि मनही बहु रंजे l
चकोर नृत्य करिती अदभुत सुख माजे  ll जय.ll 1 ll

विशेष महिमा तुझा न कळे कोणासी  l
त्रिभुवनिं द्वादशीराशी व्यापुनि राहसी l
नवही ग्रहांमध्यें  उत्तम आहेसी l
तुझे बळ वांछीती  सकळहि कार्यासी ll जय.ll 2 ll

शंकरगणनाथादिक भूषण मिरवीती l
भाळी मौळी तुजला संतोषे धरिती l
संकटनामचतुर्थीस रूपजन जे करिती l
संतत्ती संपत्ति अंती भवसागर तरती  llजय.ll 3  ll

केवळ अमृतरूप अनुपम्य वळ्सी l
स्थावर जंगम यांचें जीवन आहेसी l
प्रकाश अवलोकितां मन हे उल्हासी l
प्रसन्न होउनि आतां लावी निजकांसी ll जय.ll 4  ll

सिंधूतनया बिंदू इंदू श्रीयेचा l
सुकर्तिदायक नायक उड्डगण  यांचा l
कुरंगवाहन चंद्र अनुचित हे वाचा l
गोसावीसुत विनवी वर दे मज साचा ll जय.ll 5 ll